![](https://ezerk.am/wp-content/uploads/2021/05/1478595-1.jpg)
Հայ պիկետավորը հոսպիտալացվել է ուղեղի ցնցումով եւ ծնոտի ջարդվածքով: Մոսկովյան ոստիկանությունը «ադրբեջանցիներին» չի խոչընդոտել | երկրամաս
Երկրի քրոնիկ անկայունության առավել սուր պահերին ռուսական իշխանությունները միշտ դիմել են ոստիկանության կազմակերպած հրոսակախմբերի օգնությանը: •Նոր Ռուսաստանը պատասխանատու չէ բոլշեւիկների հակահայ պայմանագրերի համար» զավեշտալի դրոշը ճոճող Կոնստանտին Զատուլինը առիթ ունի մեկնաբանելու արդեն ցարական ջարդարարների ձեռագիրը որդեգրած «նոր» Ռուսաստանի վարքագիծը
–
Դ
ատելով Մոսկվայում կատարված վայրագությունից՝ եկել է Ռուսաստանի համար առավել սուր այդ պահը: Համենայն դեպս, ՀՀ սահմանների վրա հարձակումներին Ալիեւին շնորհավորանքներով արձագանքող նախագահ Պուտինը առայժմ չի անդրադարձել Մոսկվայի «ադրբեջանական» դեսպանության դիմաց հայ պիկետավորին տխրահռչակ «Չորնայա Սոտնյայի» ձեռագրով ծեծելու եւ ոստիկանության անգործունեության փաստերին:
![](https://ezerk.am/wp-content/uploads/2021/05/nik2-chorn-sot.jpg)
1905, Սանկտ-Պետերբուրգ: Ռուսաց կայսր Նիկոլայ Երկրորդը շարանցում է կատարում «չեռնոսոտենցի» հրոսակախմբի առջեւ |
Երեւույթները ամենեւին նոր չեն: Հիշեցնենք, որ դեռեւս 1905 թվականի հեղափոխական ալիքը սաստելու համար ցարական 3-րդ վարչությունը, օխրանկան ստեղծել էր հատուկ կազմակերպություններ եւ դրանց հարող բանդիտական մի ամբողջ «չեռնոսոտեննի» բանակ, որը իրականացնում էր պետության մի շարք հատուկ գործառույթներ: Դրանց թվին էին. էթնիկ եւ կրոնական ատելության սերմանումը եւ ժողովրդի սոցիալական ընդվզումը ցարի ընտանիքից այլազգիների վրա ուղղելը, հեղափոխական կամ թեկուզ չեզոք տրամադրություններ դրսեւորող խավերին ֆիզիկական ճնշման եւ ոչնչացման ենթարկելը:
![](https://ezerk.am/wp-content/uploads/2021/05/markov-2.jpg)
Նիկոլայ Մարկով, նշանավոր հակասեմիթ եւ հայատյաց, «Չորնայա Սոտնյա» եւ «Ռուս ժողովրդի միություն» բանդիտական կազմավորումների պարագլուխ: Հիտլերյան ռեժիմի համոզված սպասարկու: Մարկովի երկերի տարածումը եւ վերահրատարակությունը ՌԴ օրենսդրությամբ արգելված չէ |
Մեծ Ռուսաստանի այն շրջաններում, որտեղ չկային այլազգիներ նրանց դերը կատարում էին ռուս հասարակ բժիշկները, մանկավարժները, ինժեներները, դատապաշտպանները՝ այլ կերպ ասած վոխերիմ ատելության թիրախում հատուկ զետեղվող ինտելիգենցիան: Կիրթ խավերի հանդեպ ատելության ռուսական ավանդույթը առավել սաստկացավ բոլշեւիկների օրոք, երբ «չեռնոսոտեններին» փոխարինեցին կանոնավոր ՆԿՎԴ-ն ու ԳՈՒԼԱԳ-ը:
Ուշագրավ է, որ կովկասյան թաթարներին ցարը «այլազգիների» կատեգորիային չէր դասում, իսկ հայերը ընհակառակը՝ Կովկասում ստանձնել էին ամենուրեք հալածվող հրեաների «դերը»: Մենք չենք մոռացել, թե նավթարդյունաբերական Բաքվում ով էր կազմակերպել 1905 թվականի հայկական ջարդերը՝ նաեւ 1988-ի Սումգայիթը: Բութ գործիքն էլ նույնն է մնացել:
![](https://ezerk.am/wp-content/uploads/2021/05/dugin.jpg)
Ալեքսանդր Դուգինը Բաքվում, 2020. «Լավրովյան պլանի հիմքում Ղարաբաղին ոչ մի կարգավիճակ սկզբոունքն է, երբեք չի ունենա» |
Ցավով պետք է արձանագրենք, որ միմյանց փոխող ռուսական վարչակարգերը, չնայած գաղափարային տարբերությանը, միշտ որդեգրել են հակաքաղաքակրթական ուղղությունը իբրեւ լայն զանգվածներին մատուցվող «հոգեւոր սնունդ»: Այժմ էլ, Լավրովյան ջարդարար պլանի ջատագովն է Ալեքսանդ Դուգինը, որի՝ ֆաշիզմը արեւորող ազգայնական գաղափարախոսության անբաժան մասն է ծնունդով դեռեւս ցարական եւ բոլշեւիկյան ռուս-թուրքական գրկախառնությունը:
Այս հանգամանքը պետք է հատուկ ուշադրության արժանանա, երբ փոձում ենք գուշակել Ռուսաստանը տուրբուլենտ շրջան առաջնորդած նախկինում բոցավառ լենինյան իսկ հիմա համոզված կապիտալիստ իշխող շերտերի մտքինը: Շուրջ 4 միլիոն ռուսահայության անվտանգությունը ՀՀ նախագահի, կառավարության, եկեղեցու նույնպիսի հոգս է, ինչպիսին է հայաստանաբնակների անվտանգությունը: Հակառակ պարագային նրանց մայիսքսանության ուղերձները կեղծ եւ շինծու են հնչում առավել քան երբեւէ:
.
Կարդացեք նաեւ
|