ԼՈՒՐ / ՄԵԿՆՈՒԹՅՈՒՆ


ՌՈՒՍԱՍՏԱՆ

Լուսինը նորից հեռանում է Ռուսաստանից. Ռոգոզինը տեխնոլոգիական ճեխքում է ուզում

Դմիտրի Ռոգոզին | ՌԻԱ

Ռուսաստանը դադարեցրել է «ՍՏԿ էլեմենտներ» պայմանական անվամբ գերծանր հրթիռի տեխնիկական նախագծումը: Հրթիռը նախատեսվում էր դեպի Լուսին թռիչքների համար: «Հնարավոր է, որ ծրագրի հստակեցումից հետո աշխատանքը վերսկսվի», – այս մասին հայտարարել է Սամարայի Պրոգրեսս հրթիռա-տիեզերական կենտրոնի (ՌԿՑ) գլխավոր տնօրեն Դմիտրի Բարանովը, փոխանցում է ՌԻԱ Նովոստին [1]:

Ինչպես նշել է գործակալությունը, զարգացման աշխատանքները վերջնաժամկետ են ունեցել 2021 թվականի հոկտեմբերը: Բարանովի խոսքով, լուսնային հրթիռի վրա աշխատանքների դադարեցումը «Ռոսկոսմոս»-ի ղեկավար Դմիտրի Ռոգոզինի անձնական նախաձեռնությունն էր:

Դեռևս 2021 թվականի հունվարին ՌԴ ԳԱ տիեզերական խորհուրդը հորդորեց հետաձգել գերծանր հրթիռի ստեղծումը և փոխարենը՝ դեպի Լուսին թռիչքների համար գոյություն ունեցող մոդելներ օգտագործել: Ակադեմիան բացատրել է, որ նոր հրթիռին անհրաժեշտ կլինի «հիմնովին նոր հիմնական շարժիչ», «նոր, թեթև նյութեր», ինչպես նաև «էժան արտադրություն ու լավ մտածված լոգիստիկա»: 

Հարկ է նշել, որ ավելի վաղ «Ռոսկոսմոսը» դադարեցրել էր մեկ այլ գերծանր լուսնային հրթիռի՝ «Ենիսեյի» մշակումը, որը նախատեսվում էր արձակել մինչև 2028 թվական: Այժմ մենք նախագծելու ենք ջրացնի ու նավթի փոխարեն մեթանով աշխատող հրթիռ, – ասում է Ռոգոզինը: Այս հայտարարությունը եւ ԳԱ խորհուրդները նշանակում են դեպի Լուսին ինքնուրույն ուղարկվող առաքելության զգալի հետաձգում:

Նշենք նաեւ, որ ԱՄՆ այս պահին ունի դեպի Լուսին մարդ փոխադրելու ունակ մի քանի տեսակի հրթիռներ ու մշակվող Արտեմիս ցրագիրը 2022-2028 ժամկետներով: Ինչպես անցյալ դարի 60-ականների ԽՍՀՄ, այնպես էլ հիմա Ռուսաստանը չի կարողանում մրցել Միացյալ Նահանգների հետ Լուսնի նվաճման խնդրում: 70-ականների սկզբին անհաջողությամբ էր ավարտվել ամերիկյան Սատուրն-5 գերծանր հրթիռի եւ Ապոլլո ծրագրի հետ մրցունակ «Ն1» խորհրդային կրող հրթիռի ստեղծումը:

.

.