ԼՈՒՐ – ՄԵԿՆՈՒԹՅՈՒՆ
ՈՒԿՐԱԻՆԱ – ՌՈՒՍԱՍՏԱՆ
Հանրապետության վրա աթս-ների հարձակումից հետո ռաիս Միննիխանովը թաթարներին կոչ է արել «արթնանալ»
Թաթարստանի մայրաքաղաք Կազանից ՏԱՍՍ հաղորդում է, որ Թաթարստանի ղեկավար Ռուստամ Միննիխանովը կոչ է արել տարածաշրջանի ձեռնարկություններին ավելի ակտիվորեն լուծել անվտանգության խնդիրները Էլաբուգայում և Նիժնեկամսկում անօդաչու թռչող սարքերի հարձակումներից հետո։ Այդ մասին նա հայտարարել է Էներգետիկայի եւ էներգետիկայի ու ռեսուրսների արդյունավետության Թաթարստանի միջազգային ֆորումի ժամանակ։ «Առաջին հերթին դիմում եմ մեր ձեռնարկությունների ղեկավարներին, մենք ասել ենք, որ առաջիկայում խնդիրներ կունենանք, եւ դա տեղի ունեցավ <…> Հավանաբար այն պատճառով, որ հիմա Ուրազան է և ուղղափառ ծոմը, Ամենակարող Ալլահը մեզ ասաց. արթնացեք»: «Երեխեք, ձեզ ոչ ոք չի պաշտպանի ձեզանից բացի»,- ասել է Միննիխանովը։ Նա նշել է, որ այժմ անհրաժեշտ է պատրաստ լինել արտակարգ իրավիճակներին։ «Մենք պետք է ամեն տեղ ունենանք ռեզերվներ, ամեն տեղ պետք է ունենանք բրիգադներ: Պետք չէ ակնկալել, որ ունենք հակահրթիռային պաշտպանություն, այսօր այն այլ խնդիրներ է լուծում (ընդգծ. Եզերքի): Այս [անվտանգության] հարցերը մենք պետք է ինքնուրույն լուծենք՝ ամեն ձեռնարկություն, ամեն տեղ, յուրաքանչյուր քաղաքապետարան, յուրաքանչյուր քաղաք»,- ասել է Միննիխանովը։
Թաթարստանի ռաիս Ռուստամ Միննիխնովը ինքնուրույնության եղանակները չի ներկայացրել: Այդուհանդերձ, տեղի ռուս մեկնաբանները նկատում են, որ ՌԴ դաշնային կենտրոնի նման նշավակում Միննիխանովը առաջին անգամ է համարձակվում կատարել: Ոմանք տեսնում են անջատողական որոշակի միտում եւ չեն բացառում, որ հակառակորդը հենց այդպիսի դիտավորություն է ունեցել: Հիշեծնենք, որ Ալաբողայում (կարմիր ցուլ, թաթ.) պարսիկների կառուցած աթս-ների գործարանը ապրիլ 3-ին ենթարկվեց ենթադրաբար ուկրանական անօդաչուների գրոհի: ՀՕՊ միջոցներ չգործարքվեցին:
Լուս՝ Ալաբողա /TASS
.
Կարդացեք նաեւ՝
ինչպես նաեւ՝
.